好開心

今日我要用一個簡單的標題， 就是「好開心」。

因為「開心」似乎簡單左d，

所以我加個「好」字， 為佢增添一點意義…

--

雖然今早我到補習社前「媽」過一位女人，

生過了氣，

但係仍然無阻我的興致。

因為我太眼訓喇，

還有要等埋gibson的相片呢。 所以我upload左少少張相先…

你亦欠

今朝我撞到一個舊同學 我好快樂。 這位舊同學叫「你亦欠」， 這是我剛想到為他改的化名。 因為不想名正言順的打別人的全名， 我怕無聊、八卦、奇怪…的人， 無情情yahoo、或google他的名字時會找到這裏來。 我費事。 -- 跟着我走的有一班人， 跟着他走的有一班人。 因為我跟他瞬間的眼神接觸， 我們認到了， 就停下來… 他們人，仍依着自己的步伐走，直至去到要停的那刻。 「我知，你咪八妹囉﹗」 「係啊﹗但係我唔記得你係『你乜乜』啊﹗…」 . . . . . . 對話完結，相認完了， 留下msn就say goodbye喇。 -- 哈哈，好賤格架我… 成日唔記得人地個名。 其中包括：讀錯第二個音啦、個名入面d字個次序調轉啦、 記錯左第二個字啦，同埋成個名同人改左…等等 叫錯人地個名，幫人改左個九唔搭八ge名，已經係我生活的一部分。 情況如下： 1.係補習社，個學生名名叫「乜乜濠」，我就一日到黑叫人「乜乜煒」。 (其實依家諗起呢個名， 我都仲未confirm係濠定係煒， 總之係其中一個，個「乜乜」係「羅兆」) 2. b+ab是我的a+ba (有一次，跟朋友談過這個問題， 知道原來b+ab這店是用開這間舖的幾個人名的頭字母來命名的， 所以嚴格黎講，就算我叫錯， 間舖都仲係包括佢地個名，所以我仲係叫緊佢地間舖。) 3. 跟以前男朋友唔記得因咩事去街， 去弼(音：拔)街 我問左句「我地係咪係(便)街落﹖」 4. gibson的伍變吳 5. 我為sing改了一個「我認為」更適合他的名字 6. 編採營的組爸：俊文變文俊 7. 還有更多我忘了本身的字，用「乜」取代之的。 好明顯我十分欠記性。 你呢﹖ 你的生活中，有欠些甚麼嗎﹖

就這樣

我的第二十個11月17日， 就是起床、送妹、返學、放學、食飯、再食飯、睇戲、回家，再睡覺。 就這麼簡單、平凡… 我愛這個第二十個的1117， 也愛今天這個第二十個的1118…如此類推 若然想要有一天… 1. 做特別的事 2. 做快樂的事 3. 做瘋狂的事 4. 做感動的事 5. 做驚喜的事 6. 做有紀念的事 . . . . . . . 總之做你無啦啦想做的事啦， 必要一日有咁特別得咁特別，有咁快樂得咁快樂嗎？ 「我想做的事」我無時無刻都做， 因為我無時無刻都在想下一秒的我想做甚麼。 所以「我想做的事」其實我平時都做夠，哈。 -- 這天是二十歲的第一天， I am now... drinking a cup of warm water， typing my myplace. 就這樣。 我就是愛這樣 :) **

是有點抵死

今天八時起身後， 刷牙洗臉化妝，再睡， 十時起身，出外吃早餐。 正正經經的有麵有餸， 然後去借書，再回家。 等車時，站在比較陰的位置， 太陽仍然愛我，照我… 後來有一個媽媽叫她的女兒站到我的影子下… (幫她的女兒擋太陽，但我不明為甚麼她不叫女兒在她自己的影子下呢？)

幼稚園生很可愛， 記得我跟姐姐以前天天輪流接還在讀幼稚園的妹妹的日子， 哈，「就好似琴日ge事」

--

抵抵死死咁正經食返個早餐， 換來一個抵死的痛…好痛

**

戴口罩上山頂

今天在搭車無聊時腥了一個sms 「很恐怖！我看見一個男人一直在講話，　 然後一直用手印鼻樑（有血的！）　 他說普通話的…」 這是我在去山頂前所做的。 -- 如果黑就要電筒， 如果手唔定就要腳架， 如果用得腳架唔夠高又要梯， 然後又要袋又要閃光燈又要哩又要撈… 首先，我要錢 上山頂，好凍好凍，好震好震… 但係我影到月亮， 突然覺得除左可以講摘星， 仲可以講摘月亮

我想近ｄ

再近ｄ

黎黎黎…

咦，真係月亮喎

我想去月亮。

這是我很震時拍的。

當然，是我手在震，

借黎梓的腳架拍它，

腳架沒有震。

我們見面了

給親愛的智慧齒︰ 自你在我生活出現後，我就一直與你同在。 你還不時拍打你同類的朋友。 可是，它們都容不下你。 不知是它們避開你，所以漸漸偏離原來的位置來遷就你。 還是你太霸道，把它們迫開。 無論是怎樣， 我也不想看見這進不得，退不回的境況。 原諒我放棄你...

已把你拔走的主人 方八妹敬上

p.s. 感激爸爸、媽媽、姐姐的sponsor 還有妹妹「比錢我買麵包」

唔好下巴輕輕，特別男人

我是女人，因此我都唔想有人對我下巴輕輕，特別男人。 -- 好喇，我決定脫牙， 已book了星期一放學就會去。 司徒和家愉都說得對。 我是因為覺得不舒服才去看牙醫， 所以我脫牙是自己生理，心理都需要的。 我會個人會突然無心機，唔想食野... 不想痛苦繼續蔓延。 想資助我嗎﹖不資助，請支持。 -- 今天上英採課時很白痴，自己畫自己大脾。

自己畫唔小心一路畫住自己大脾都唔知。 最衰係啊sing 係啊，我腳是有毛的。 你無毛係... 因為你剃左， 因為你唔知點樣脫左， 因為你天生無... 有毛又點﹖ 我覺得無毛先核突。